Penuel Bangor

Croeso

Croeso i wefan Penuel Bangor! Y gobaith yw y bydd eich hymweliad â’r wefan yn ennyn digon o chwilfrydedd ynoch i ymweld â ni yn un o’n hoedfaon. Gallaf eich sicrhau y bydd croeso twymgalon yn eich disgwyl. Y mae Penuel ers blynyddoedd yn croesawu cyfeillion o bob cefndir enwadol yn ogystal ag unigolion sydd hyd yn hyn, heb fod yn gysylltiedig ag unrhyw eglwys o gwbl.

Yr ydym yn cydnabod Iesu Grist yn Arglwydd a Gwaredwr, a rhoddir cyfle i bobl aelod gyfrannu o’i ddawn i wasanaethu’r Gwaredwr.

Yr ydym yn gwbl ymroddedig i gydweithio ag eglwysi eraill y ddinas drwy rwydwaith “CYTUN” a’r “Cyngor Eglwysi Rhyddion”.

Ym Mhenuel cewch groestoriad hyfryd o bobl yn hannu o bob rhan o Gymru. Y mae eu brwdfrydedd a’u hawydd i weithio dros Iesu Grist yn amlwg. Os gallwn fod o unrhyw gymorth cysylltwch â ni drwy ddefnyddio’r llwybr priodol ar y wefan.

Y mae yma ddrws a breichiau agored i’ch croesawu. Bendith arnoch!