Penuel Bangor

Pwy ‘di pwy

Y Parchedig Olaf Davies
Gweinidog
Daeth Olaf i Gapel Penuel yn Ionawr 1992 wedi gweinidogaethu yn Sir Benfro, Dyffryn Teifi a Llyn ac Eifionydd. Y mae’n frodor o Ddyffryn Aman, yn briod â Helen ac mae ganddynt dri o blant a thri o wyrion. Y mae Olaf ar gael unrhyw bryd am sgwrs, ymweliad bugeiliol neu i drafod unrhyw fater yn ymwneud â gweinidogaeth yr Eglwys.

Rhys Llwyd
Gweinidog dan hyfforddiant
Yn enedigol o Fangor ond wedi ei fagu yn Aberystwyth wedi i’r teulu symud yno. Graddiodd mewn Gwleidyddiaeth Ryngwladol o Brifysgol Cymru, Aberystwyth cyn symud yn ôl i Fangor i wneud gradd doethur yn Adran Ddiwinyddiaeth Prifysgol Cymru, Bangor. Bellach mae’n ceisio gorffen ei ddoethuriaeth ac wedi cofrestru fel myfyriwr am y Weinidogaeth yn y Coleg Gwyn, Coleg y Bedyddwyr ym Mangor. Fel rhan o’i hyfforddiant maen gweithio dan gyfarwyddyd Olaf ym Mhenuel. Ymysg ei ddiddordebau mae technoleg a dylunio ynghyd a gweithgaredd Cymdeithas yr Iaith Gymraeg.

Ann Bowen Morgan
Ysgrifennydd Cyffredinol
Yn enedigol o’r Rhyl, mae Ann yn briod â Densil ac mae ganddynt ddau o blant – Angharad ac Iwan. Mae’n athrawes gynradd yn Ysgol Craig y Don, Llandudno ac yn hoff iawn o gerddoriaeth ac o ganu’r delyn a’r piano. Mae’n drysorydd i Gyngor Eglwysi Rhyddion Bangor.

Elen Landsdown
Ysgrifennydd y Cyhoeddiadau
Yn enedigol o Fangor, mae Elen yn briod â Steve ac mae ganddynt ddwy o enethod – Gwenllïan a Lois. Cyfieithydd yn Ysbyty Gwynedd yw Elen. Ymhlith ei diddordebau mae’n un o olygyddion ‘Y Goriad’ (Papur Bro Bangor) ac yn Ysgrifennydd y Chwiorydd ym Mhenuel.

Bill Davies
Trysorydd
Yn enedigol o Borthmadog ac yn briod â Ruth. Mae ganddynt ddau o blant – Rhys a Branwen. Ef yw Cyfarwyddwr Personél Gyrfa Cymru a bu am gyfnod yn ysgrifennydd Eglwys Penuel. Ymddiddora mewn drama, pêl-droed a chadw’n heini!

Bryn Tomos
Arolygwr yr Ysgol Sul
Yn enedigol o Fetws y Coed, mae’n briod â Marian. Mae Bryn yn ddarlithydd mewn Daearyddiaeth yn Adran Addysg C.P.C. Bangor. Ei diddordebau yw chwaraeon a phob math o weithgareddau awyr agored. Clywir ei lais yn aml iawn yn sylwebu ar gemau Peldroed ar y cyfryngau. Ef yw sylwebydd peldroed Cymraeg rhaglenni SKY.

Dilwen Jones
Trysorydd yr Offrwm
Y mae Dilwen wedi ei magu ym Mhenuel ac wedi treulio ei hoes yma. Bydd rhywbeth mawr o’i le os na fydd Dilwen yn gwenu! Y mae ei brwdfrydedd yn heintus ac yn ennyn edmygedd pawb sydd yn ei hadnabod. Bydd yn barod i gyflawni unrhyw dasg sydd o fewn ei gallu i’w wneud. Y mae wrth ei bodd gyda gwaith y plant a’r ieuenctid. Caffaeliad yn wir!